منوعات

شاعرة تثير جدلا كبيرا بكلامها عن “العجز الجنسي” للرجال السودانيين وتتحدث عن إنتشار الجنس الثالث

حالة من الجدل الواسع، أثارتها شاعرة وصحفية سودانية، بسبب حديثها عن وجود أزمة فحولة بين السودانيين، وانتشار الجنس الثالث.

تعرضت داليا إلياس، لهجوم لاذع، بسبب حديثها عن هذه المواضيع، التي تعتبر محظور التطرق إليها في المجتمع السوداني.

وقالت إلياس من خلال برنامج على مواقع التواصل الاجتماعي “نحن زمان رجالنا لا يعرفوا الحبوب ولا العسل الملكي، الواحد يتزوج أربع وتاني يطلقهم ويدبل فيهم أربع ياجماعة نكون واضحين”. مشيرة إلى أن النساء أصبحت يشتكين من هذه المشكلة عبر جروبات الدردشة على مواقع “السوشيال ميديا”.

كما تحدثت الشاعرة السودانية، عن وجود الجنس الثالث، وانتشاره في المجتمع السوداني، لافتة إلى أنهم أصبحوا يجدون “التقييم”، وهذا يعني وجود أزمة فحولة، مضيفة “حايجو ناس يهاجموني ويقولوا لي نحن مجتمعنا السوداني أنبل وأجمل وأنت مسحتي بمجتمعنا اللواطة وده كلام انشاء ساي”.

ودافعت عن نفسها قائلة: طب المناسبة الإساءة الشخصية والكلام الجارح والقذف والأكاذيب لن تغير الحقيقة المرة، بدل ما تمسكوا فيني وفي عرضي كان تلتزموا بقيم الرجالة الحقيقية، وتشغلوا عقولكم وتفكروا حتساهموا بياتو كيفية في حماية أهلكم ومجتمعكم من أمراض العصر”.

وأكدت داليا إلياس “الزول (الرجل) الواعي الذي يفهم كلامي، سيلاحظ أنني ما عممت الموضوع، ولا قصدت رجلا بالاسم، وكل واحد عارف حقيقة روحو وردة فعلوا حتكون أكيد انعكاس ليها”.

وأردفت “عموما، عند الله تجتمع الخصوم، وأنا طبعا ما عافية أي إساءة شخصية لي ولا لأهل بيتي، وليكم علي أفتح كل الجروح المليانة صديد عشان أولادي يعيشوا في عالم نظيف”، على حد قولها.

سبوتنيك

تعليق واحد

  1. *القاسمي يرد على داليا الياس في موضوع ازمة الفحولة*
    غايتو يا. داليا بأعوج بعديل. دورتي الناس وشغلتي. الراي و الراس العام بالموضوع الحساس وخاسة دا
    لكن بصراحة اجد نفسي متفق معك في (الندرة والشح) حسب ما متوفر لنا من اقوال شهود عيان وشكاوي بعض المتضررين من الاحداث واختلف معك لعدم تناول الاسباب التي ادت لهذا النفور (وقبيل الوجه علي الحيطه )
    #اول حاجه يا اخوانا. بسم الله اول حاجه يا اختنا. العربيه لمن تكون جديده. عادي جدآ اربعه خمسه مشاوير في اليوم. بتمشيها بيها وبعد دا عندك رغبه تمشي بيها الدكان تجيب سجاير شدة ما عاجباك
    – مقاعد وثيره تشهيك القعاد
    -يايات ومساعدات ذي المرجيحة
    – بوهيه ولون املااااس وناعم تلقي روحك تتلمس فيها بلا شغله
    – لساتك. ذي كراع سرير المخرطه. بي شرشرهم
    – فرامل ابو الشهيق بس
    تكييف ذي الهيف باااارد
    – عطور بريحة الفراوله مربوطه جمب مراية النص اول ما تركب تجيك فايحه لمن تشهق
    سرعه وهيبه وجبره
    تسرك إنت وتسر الناظرين
    #اها فجعتن كل الحاجات دي بتتبدل والمحطه البعد كوستي بتتسيد الموقف
    – التكييف ببوظ
    – الطبلون بصبح كركعوبه وصدر الدركسون الكان( واقف قنا) بتدلي وبنزل لي صرة الكلتش والابنص
    – الفرامل الكانت(كبس) بتبقي تجلي وتزلق وياااا الله تثبت
    – البودي بتزلط وبتدقش وبتصبح كلها مصفقه ومطفقه
    بعد داك تعالي يا المكنه- الزيت يخرخر النهار كلو واللديتر مع السخانه فاير فوران وكل يوم يشخر من السخانه
    والمقاعد الوثيره ديك بتصبح ذي البنبر بالله تقول قاعد ليك فوق حجر. اها في الحاله دي قلبك بياباها وبتمرق من نفسك وما بتدورها إلا للشديد القوي ومضطر
    وفي بعض الاحيان لو عندك مشوار مهم. ونفسك تمشيهو. اكيد اول حاجه بتفكر فيها (ترحال) -ومنو الما عندو. تطبيق ترحال?- و تلاته اربعه ارقام من. الرحالين
    عربيه. ظريفه ورشيقه وشبه جديدة او يخيل لك إنها جديدة وفقآ للظاهر والعامل النفسي
    مع الإعتراف بانها لا تفرق كثيرآ عن الكومر المقرش عندك هناك وستكتشف ذلك بعد إنتهاءك من المشوار مباشرة. وستري إنو المشوار دا غااالي وما ييتحق كل الخسرتو فيهو دا
    #الشي التاني يا اخوانا : يعني انت مسلن عربيه اشتريتا. سنة الفين. او 1990. من ناحية مقدرة ساي لا يمكن اكون بنفس الكفاءة والنشاط والهمه والنظر السته علي سته
    مع وجود لاسباب الذكرت فوق دي.
    وهي. ماشاء الله لا بتفتر لا بتستغني ولا بتشبع
    البنزين الزيت المويه اللساتك ال وين ال وين الوين
    فالبدايات دايمآ تختلف عن النهايات ولا دائم إلا وجه الله
    القناعه سمحه والجاها اكيد ما شويه لكن العين يملاها التراب
    وهكذا هي الحياة. (كل دور إذا ما تم ينقلب )
    مع مودتي
    عمك القاسمي. / كومر قديم دفق القهوه وفقد الشهوه.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock